Straight News "Ngangkring Sareng Dekanat"

                                                                                                           

“Ngangkring Sareng Dekanat“

Selasa tanggal 24 September 2013 Badan Eksekutif Mahasiswa (BEM) Fakultas Bahasa dan Seni UNY nganakaken adicara “Ngangkring Sareng Dekanat”. Adicara ingkang persiapanipun saking kalih wulan kepengker menika kalaksanan wonten ing pendhapa tedjakusuma FBS UNY. Tema ingkang dipunusung inggih menika “Membedah Visi dan Misi Fakultas Bahasa dan Seni”.

“Ngangkring Sareng Dekanat”  minangka salah satunggaling agenda saking Badan Eksekutif Mahasiswa. Kagiatan ing dinten kepengker kalampahan kanthi wujud nepangaken visi misi FBS langkung tebih kagem mahasiswa FBS, ingkang dipunronce wonten ing agenda semarak September. Tema ageng wonten ing semarak September kalawau inggih menika “Hamemayu Hayuning Bawana”.

Kagiatan ingkang dipunwiwiti tabuh pitu dalu menika dipunpangarsani dening Muhammad Subhan Putra. Wonten ugi PD III Dr. Kun Setyaning Astuti, M. Pd ingkang rawuh wonten ing agenda ingkang dipunadani kaliyan mahasiswa. Sedaya reroncening adicara ingkang sampun samapta kalampahan kanthi lancar. Mliginipun adicara menika gadhahi ancas supados damel mahasiswa FBS mangertosi ancasipun fakultas saha dadosaken mahasiswa ingkang kritis bilih wonten ingkang nyimpang saking visi misi FBS.