Dherek tepangaken, kula Ruly Anggraeny klairan Kulon Progo 22 Juni 1992. Kula manggen wonten ing Ponorogo. Kula putra nomer 2 saking 3 bersaudara saking bapak Muhamad Jarwono saha ibu Tukinem . Samenika kula taksih sinau wonten ing Jurusan Pendidikan Bahasa Daerah, Fakultas Bahasa dan Seni UNY. Rumiyin kula sekolah SDnipun wonten ing SDN I Brotonegaran Ponorogo, SMP N 6 Ponorogo, saha SMA N 2 Ponorogo.
Kula remen sanget kaliyan tari, hobi nari kula menika kangge nglestantunaken budaya ingkang kedah dipunuri-uri. Saking nari menika, kula angsal pengalaman ingkang kathah bab tarian nuswantara. Awit mekaten, kula tetep gadhah pepinginan saged gayuh cita-cita ingkang sae.
Hobi nari kula menika dadosaken kula pikantuk pengalaman ingkang kathah. Kula wiwit nari menika kelas 4SD. Amergi nari menika kula mangertosi nagari Jiran inggih menika Malaysia. Pengalaman kula saking nari inggih menika pikantuk juara umum Festival Reog Nasional, 5 penari terbaik non rangking tingkat Kabupaten Ponorogo, 5 penari terbaik tingkat Propinsi Jawa Timur, Finalis Duta Penari Jawa Timur, nate ngisi acara wonten ing TMII Jakarta, pembukaan acara budaya wonten ing Sekolah Tinggi Pariwisata Bandung, ngisi acara wonten ing Sanur saha Nusa Dua Bali, makili Propinsi Jawa Timur kangge makili Indonesia wonten ing adicara Indonesian Life In Malaysia.
Tidak ada komentar:
Posting Komentar