geguritan "Candra Purnamaku"

CANDRA PURNAMAKU
dening :  Ruly Anggraeny

maruta kang adem banget iku

bisa nusuk teka jroning atiku

ananging iku ora ana gatine kanggo ku

amung sliramu kang ana ing cittaku

agawe aku kelingan marang sliramu

rina wengi kang sepi nyenyet iki

aku kepengin sliramu bisa ngancani

ngancani sepining ati

supaya ayem tentrem rasaning  ati iki

apa sliramu ngerti, artimu kanggo aku?

mesti sliramu ora bakalan ngerti

nanging aku tetep nresnani

amarga sliramu tansah dadi pamuji

sliramu kayata cahya kang ora bakal sirna

ora bakal sirna saka jroning tyasku iki

ngancani aku kala rudhita

ngancani aku ing rina wengi kang nyenyet iki

kepengin rasa cedak marang sliramu

nanging aku ora bakalan bisa nglakoni iku

amarga aku mung bisa nyawang sliramu

yaiku sliramu candra purnamaku